Пред една година светот остана без „кралот на фудбалот“

Пред точно една година на денешен ден светот остана без легендарниот Пеле.

На два дена пред новата година Пеле на 29-ти декември 2022 година ја загуби битката со тешката болест која долго го мачеше.

За многумина Пеле е најголемата „десетка“ во историјата на фудбалот и стана еден вид симбол на тој број. Во Бразил, но и во добар дел од светот, тој ќе остане запаметен како „крал на фудбалот“.

Пеле денеска почива во позлатена гробница во Сантос, каде што беше погребан откако целиот фудбалски свет се прости од него со емотивни пораки. Иако секогаш е тешко да се усогласат спротивставените мислења во дебатите за најдобрите на сите времиња, тешко е да се негира дека Пеле не е највлијателниот фудбалер што некогаш играл.

Тој беше првата глобална суперѕвезда во историјата на најпопуларниот спорт, а уште како момче почна да го гради митскиот статус.