ФИФА го одреди домаќинот и датумот на одигрување на Светското клупско првенство

Светското клупско првенство кое требаше да се одржи во декември во Јапонија ќе се одржи од 3. до 12. февруари во Обединетите Арапски Емирати, објави ФИФА.

Преместувањето на турнирот беше познато од претходно, а се чека ФИФА да го потврди датумот откако се комплетираа победниците во сите седум конфедерации со претставник на земјата домаќин.

Ждребот кој ќе се одржи денес во Париз од 17:00 часот ќе ги одреди натпреварите на учесниците. Помеѓу клубовите кои ќе учествуваат секако фаворит е освојувачот на Лигата на шампионите, екипата на Челзи.