Луд натпревар во Португалија: Играа со 9 фудбалери, примија 7 гола, па го прекинаа мечот🎥

Натпреварот помеѓу Белененсес и Бенфика во елитната португалска лига денес е главна тема во цела Европа.

Поради голем број заразени фудбалери со коронавирус, Белененсес го почна натпреварот со само девет фудбалери. И покрај таквиот факт, од португалската лига одбиле да го одложат натпреварот, а тоа Бенфика безмилосно го казни со седум голови во првото полувреме.

На полувреме двајца од играчите веќе не можеа да продолжат, па беа повлечени, а по само две минути во вториот дел се повреди и голманот кој играше како десен бек, Жоао Монтеиро, по што натпреварот беше прекинат затоа што домашниот тим остана само со шест играчи на теренот.