Aнгеловски: Фенербахче испрати понуда, но се одлучи за Витор Переира

Поранешниот селектор на Македонија Игор Ангеловски во изјава за турските медиуми потврди дека постоела понуда од Фенербахче.

Во текот на летото Ангеловски се поврзуваше со повеќе клубови, но до овој момент се уште е без ангажман. Еден од клубовите кои беа во игра беше и Фенербахче, сепак на крајот турскиот гигант се одлучил за Витор Переира.

„Постоеше понуда од Фенербахче, меѓутоа на крајот претседателот се одлучи за Витор Переира и таа приказна тука заврши за мене. Сепак, среќен сум што бев кандидат за тренер на клуб каков што е Фенербахче. Ако сте биле кандидат на добро познат тоа е потврда за квалитетот“, изјави Ангеловски.

Последен клуб со кој Ангеловски неодамна се поврзуваше беше бугарскиот Лудогрец.