Челзи го прегази Лестер 🎥

Челзи во 12. коло од Премиер лигата го совлада Лестер како гостин со убедливи 3:0.

Тимот на Томас Тухел одигра уште еден одличен натпревар и на крајот заслужено дојде до победата. До водство Челзи стигна во 14. минута кога Антонио Рудигер го отвори резултатот.

Нов гол во мрежата на домаќинот беше виден во 28. минута. Одличниот Н’Голо Канте повлече една акција од средината на теренот, дојде до казнетиот простор и со одличен удар го матираше Шмајхел за 2:0. Разликата во првото полувреме можеше да биде и поголема, но гостите не искористија уште неколку добри прилики.

Во второто полувреме продолжи добрата игра на Челзи. „Сините“ не дозволуваа премногу на Лестер во фазата на нападот, точка на натпреварот стави Пулишиќ во 71. минута.