Дома Македонски спорт Тблиси беше далеку, а сега Македонија дома игра за историја затоа во недела – сите на стадион!

Тблиси беше далеку, а сега Македонија дома игра за историја затоа во недела – сите на стадион!

Фудбалските ѕвезди вчера беа наклонети на Македонија – прво ја декласиравме Ерменија со 0:5, а потоа и Исланд одигра „за нас“ извлекувајќи реми против Романија на гости.

Тоа реми придонесе Македонија в недела сама да си решава за баражот за Светското првенство. Било каква победа против Исланд и – ете сме во бараж! Дефинитивно натпреварот в недела ќе биде еден од најважните во македонската фудбалска историја, веројатно веднаш зад дуелот пред точно една година во Тблиси кој директно одлучуваше за пласман на ЕП.


Србија прв тест за "големиот" најскап фаворит! Холандија во проблеми! ↓↓↓


Тогаш игравме во Тблиси и македонската публика немаше прилика да биде на трибините, сега е поинаку играме дома во Скопје и навистина е жално да не се одвои симболична сума за да се бодри репрезентацијата. Фудбалерите одиграа одлични квалификации кои резултатски можеа да бидат и подобри, но треба да се потсети дека имавме големи промени затоа сите момци во тимот заслужија една ОГРОМНА поддршка, а ние сега имаме прилика да им ја дадеме таа поддршка!

Фудбалската Федерација на Македонија денес дополнително ги отвори источната и западната трибина цената на влезниците е само 100 денари. Север и југ се веќе распродадени.

МАКЕДОНИЈА ЗАСЛУЖИ, СЕР БОБИ ЗАСЛУЖИ, МОМЦИТЕ ЗАСЛУЖИЈА! ЗАТОА В НЕДЕЛА – СИТЕ НА СТАДИОН МАКЕДОНИЈА ИГРА НАТПРЕВАР ЗА БАРАЖ ЗА МУНДИЈАЛ!

Пишува: Стефан Даскалов

Коментари
Прочитајте поврзани статии
Load More In Македонски спорт

Проверете

Италија со пресврт ја победи Албанија

Репрезентацијата на Италија потешко од очекувањата ја победи Албанија со 2:1 на стартот на…