Дали е ова крај на сагата: Претседателот на ПСЖ го најави Нејмар

Претседателот на ПСЖ, Насер Ал-Келаифи се огласи по повод гласините дали Нејмар наскоро ќе премине на „Паркот на принцовите“.

Бразилецот е се поблиску до историски трансфер, а тоа денес го најави и претседателот на Парижаните.

„Тоа е малку непријатно прашање. Денес Нејмар е играч на Барселона, но ќе видиме што ни носи утрото. Ги почитуваме сите договори на останатите екипи и играчи и не сакам да откривам многу. Се во свое време. Нејмар е светска ѕвезда, но тој е играч на Барселона засега“, истакна Ал-Келаифи.

До крајот на неделата се очекува и официјална потврда за трансферот на Нејмар, а тоа е јасно и по овие зборови на сопственикот на парискиот клуб, а и инцидентот кој претходеше во Барселона.