Пиоли: Натпреварите со Порто ќе бидат клучни, Ибра нема да игра од првата минута

После поразите во првите две кола од Лигата на шампионите Милан го чекаат натпревари со Порто кои ќе бидат и тоа како важни за иднината на „росонерите“ во ова натпреварување.

Милан по споменатите два порази е на дното на табелата, а сега го чекаат два натпревари со Порто. Првиот го играат на гости утре.

„Ќе се соочиме со еден силен и компактен тим. Имаат брзи напаѓачи и добар тренер, ќе биде тоа натпревар на највисоко ниво. Овие два натпревари ќе бидат клучни за крајниот исход“.

Ибрахимовиќ нема да почне од првата минута.

„Златан е подобро, но нема да може да почне од првата минута утре. Сепак, важно е да го имаме во добра кондиција. Загубивме на првите два натпревари и сега мораме да сме максимално фокусирани да не си дозволуваме грешки“, изјави Пиоли.

Натпреварот од третото коло против Порто Милан го игра утре со почеток од 21:00 часот.