Почина најдобриот стрелец во историјата на Тотенхем

Утрово во Англија на 81 година почина поранешниот фудбалер и легенда на Тотенхем, Џими Гривс, потврди лондонскиот клуб.

Гривс беше познат како еден од најдобрите голгетери во својата генерација, а остави голем печат во дресот на Тотенхем. Од 1961 до 1970 година одигра 379 средби во кои постигна 266 погодоци, со кои уште е најдобар стрелец во историјата на клубот.

Освен во Тотенхем, Гривс настапуваше и за екипата на Челзи, кратко играше за Милан, а потоа уште и за Вест Хем, Брентвуд, Челмсфорд Сити, Барнет и Вудворд Таун.