Пиоли во проблеми: Ибра сака да биде Супермен, но уште не е спремен

Дербито на 4. коло во Серија А се игра утре во Торино помеѓу Милан и Јувентус.

Додека Јувентус се уште ја бара потребната форма, Милан во првите три кола има максимален учинок.

Натпреварот на „Алијанц“ стадионот секако би требало да биде интересен, а Пиоли има проблеми пред овој дуел. Имено, стратегот на Милан сигурно нема да може да смета на Златан Ибрахимовиќ и Оливие Жиру, па „росонерите“ така останаа без класичен напаѓач.

„Ибра сака да биде Супермен, но уште не е спремен. Разговараме, нема напредок и нема да биде на располагање во овој натпревар. Ќе недостасува и Жиру кој има проблеми со грбот“, изјави Пиоли.