Беше хит играч во Премиер лигата, а сега објави крај на кариерата

Сенегалскиот 36-годишен напаѓач Демба Ба стави крај на играчката кариера во која во текот на 16 години беше дел од бројни клубови.

Демба Ба играше и во Премиер лигата за Вест Хем, Челзи и Њукасл.

Објавувам крај на играчката кариера, но срцето ми е исполнето со благодарност. Покрај потта и солзите фудбалот ми пружи и многу убави емоции, од навивачите па се до врската која ја имав со своите соиграчи и тоа засекогаш ќе остане во моето срце“, објави Демба Ба.

Во Челзи помина само една сезоан и постигна 14 голови во сите натпреварувања, додека во Њукасл во две години постигна 29 гола.

Два пати беше шампион на Турција, со Бешикташ во сезоната 2016/2017 и со Башакшехир во сезоната 2019/2020. Играше и во Кина за Шангај Шенхуа. Негов последен клуб беше швајцарскиот Лугано од каде што си замина минатиот месец.