Барселона го најде наследникот на Пике

Барселона е во потрага по квалитетен стопер, кој ќе може да биде наследник на ветеранот Жерар Пике.

Најголема желба на Куман е дефанзивецот на Лил, Свен Ботман, и ќе се обиде да го донесе уште во зимскиот преоден рок.

Станува збор за играч кој има 21 година. Ги помина сите младински категории на Ајакс, а една сезона помина на позајмица во Херенвен. Во Лил пристигна во јули 2020 година и уште во првата сезона се наметна во еден од клучните играчи на тимот.

Ботман е холандски репрезентативец и Куман смета дека одлично ќе се вклопи во Барселона, но треба да ја победи конкуренцијата.

Лил за слободата на Ботман бара 40 милиони евра, а Барселона ќе се обиде преку преговори да ја намали таа сума.