„Не ми е јасно зошто се крева толкава еуфорија за Роналдо кога има 36 години“

Помеѓу навивачите на Манчестер Јунајтед владее вистинска еуфорија поради враќањето на Кристиано Роналдо, а сето тоа му е малку чудно на тренерот на Брентфорд Томас Франк.

На него не му е јасно зошто се крева толкава еуфорија кога Роналдо денес на 36 години не е истиот играч од минатото.

„Роналдо има 36 години, се врато во Јунајтед и веднаш сите почнаа да зборуваат дека тие се фаворити за титулата. Да, можеби тој е делот што недостасува, но лудо е да се прави таква еуфорија за некој кој има 36 години, па и тој некој да е Роналдо. Нормално дека е голем играч, но не е истиот од минатото. Навистина не ја сфаќам целата еуфорија“, изјави Данецот на клубот на Брентфорд.