Кореа по одличното деби: Конечно сум во Интер за да покажам што можам

Интер вчера успеа да слави на гостувањето кај Верон со 1:3, а херој на „нероаѕурите“ беше Хоакин Кореа кој што туку пристигна во клубот.

По првото полувреме Интер имаше негатива од 1:0, изедначи Лаутаро и тој резултат беше актуелен се до последните десетина минути. Кореа кој во игра влезе во 74. минута, постигна два гола и обезбеди три бода за својот тим.

„Сонував дека ќе бидам во Интер уште од мали нозе, уште од оној момент кога видов голем број Аргентинци во клубот. За првпат се појавив во клубот кога имав 16 години, сега конечно сум тука да покажам што можам“, изјави Кореа по дебито.