Уште една земја се повлече од Олимписките игри

Спортистите од Гвинеја нема да се најдат на свеченото отворање на Олимписките игри во Токио откако челниците на оваа западноафриканска земја решија да го откажат настапот на Олимпијадата.

„Поради КОВИД-19, владата, загрижена за здравјето на гвинејските спортисти, за жал одлучи тимот да не се натпреварува на Олимписките игри во Токио“, соопшти тамошниот министер за спорт.

Гвинеја е втората земја која го откажа учеството на ЛОИ, откако претходно тоа го направи и Северна Кореја.

Во меѓувреме, во текот на вчерашниот ден откриени се 12 позитивни на Ковид во Олимпиското село. Двајца од заразените се странски спортисти, другите десет се работници поврзани со организацијата на Игрите и службени лица.