Кога Англија е во напад се игра и со две топки на теренот

За првпат во историјата Англија ќе игра финале на Еуро откако после продолженија ја победи Данска.

Англичаните на „Вембли“ беа подобар ривал и на крајот заслужено славеа, но начинот на кој тоа го направија остава голема дамка. Во 103. минута досуден е пенал кој крена голема прашина. Впечаток е дека Стерлинг прелесно падна, а главниот судија не размислуваше и покажа на белата точка.

Меѓутоа на самиот пенал му претходеше нешто што спротивно од правилата. Во текот на акцијата на теренот се најдоа две топки и според правилата играта во тој момент мораше да биде прекината.

Ниту еден судија на теренот тоа не го регистрираше или не сакаше да го регистрира.