„Панчев немаше милост пред голот, беше претешко да се чува“

Квалитетот на Дарко Панчев е добро познат, не само кај нас туку и на целиот екс-ју простор.

Панчев беше напаѓач кој имаше гол-инстикт и знаеше да ја материјализира тимската игра. За неговите квалитети за хрватските медиуми сега зборуваше Андреј Пандиќ, поранешен дефанзивец на Динамо Загреб и Хамбургер.

„Да се чува Панчев беше тешко, шеташе цело време, влегуваше во шеснаесениткот и го губиш од вид. Одеднаш го снемуваше и тоа беше неговиот најголем квалитет, немаше милост пред голот. Не се изнаигра кога ја напушти Звезда, меѓутоа да се чува беше претешко“, изјави Пандиќ.

Пандиќ и Панчев беа заедно на Светското првенство во Италија во 1990 година каде што Панчев постигна два гола во победата над ОАЕ (4:1).