Барселона го избрка играчот кој го навреди Куман и загуби повеќе од 10 милиони

Барселона го раскина договорот со Бразилецот Матеус Фернандес, кој не успеа да дебитира за првиот тим.

22-годишниот фудбалер имаше договор со Каталонците на уште четири години, но денес клубот еднострано ја раскина соработката.

Шпанските медиуми откриваат дека клубот се решил на ваков чекор откако минатиот месец Фернандес јавно го критикуваше тренерот Роналд Куман.

Фернандес беше донесен во 2020 година за 7 милиони евра од Палмеирас и веднаш беше испратен на позајмица во Ваљадолид на 6 месеци. Минатата сезона тој остана во Барса, но запиша само еден настап и тоа во ЛШ против Динамо Киев.

Каталонски „Спорт“ пренесува дека со раскинувањето на договорот Барселона е во загуба од над 10 милиони евра.

LATEST NEWS | Matheus Fernandes' contract terminated

Details: https://t.co/PmnsvgFtHI pic.twitter.com/VEhnNQcUZ2

— FC Barcelona (@FCBarcelona) June 29, 2021