Мартинез: Шансите да играат Азар и Де Брујн се 50-50

Селекторот на Белгија, Роберто Мартинез немаше оптимистички најави кога се во прашање повредите на Еден Азар и Кевин де Брујн.

Двајцата предвреме го заврпија синоќешниот натпревар против Португалија и најверојатно ќе го пропуштат четвртфиналниот дуел против Италија.

„Немаме многу време, шансите да играат се 50-50. Позитивно за нас е тоа што Азар и Де Брујн немаат тешки повреди, па ќе останат со екипата. Азар почуствува болка во бутниот мускул, додека Де Брујн доби удар во зглобот и почуствува болка во лигаментот“, вели Мартинез.

Натпреварот меѓу Италија и Белгија се игра на 2 јули, а Италија не е поразена на 31 натпревар.