„Топџиите“ затруени во Кина

Менаџерот на Арсенал, Арсен Венгер изјави дека голем број на негови фудбалери биле затруени со храна во Кина, а исто така призна дека патувањата во различни клуматски услови не се идеално за припремање на новата сезона.

Пер Мертесакер и Оливие Жиру го пропуштија мечот против Баерн поради болест, додека Сеад Колошинац мораше да излезе од игра на полувремето бидејќи се чувствуваше лошо. Ист беше случајот со Тео Волкот и Арон Рамзи, кои го одиграа второто полувреме.

Венгер истакна дека неговиот тим претрпел шок со доаѓањето во Шангај од Австралија и дека тоа влијаело на задравјето на игралите.

„Ако ме прашате дали е ова идеална физичка припрема, ќе кажам дека не е. Дали има други предности? Да, бидејќи се запознаваме со нашите навивачи ширум светот. Врската во тимот е полесна, бидејќи сме заедно две недели. Од таа страна може да биде позитивно, но вистинскиот одговор ќе го видиме на стартот од сезоната“, истакна Венгер.