Левандовски и дружината паднаа пред Словачка🎥

Репрезентацијата на Словачка го доби соседското дерби против Полска (2:1) во интересен натпревар од Европското првенство.

Иако Полска во поголемиот дел од мечот беше подобар противник, сепак Левандовски и дружината со пораз го отворија ЕП.

Во 18-та минута Мак по една соло акција шутираше, топката удри во стативата, па во грбот на Шчешни за предност од 1:0, резултат со кој се замина на одмор.

На самиот старт на вториот дел Полска израмни со голот на Линети и потоа имаше инцијатива, па се чинеше дека ќе дојде до целосен пресврт.

Меѓутоа, во 62-та минута Криховјак поради втор жолт картон го напушти теренот и ја остави Полска со играч помалку.

Тоа го искористи Словачка и со голот на Скриниар дојде до голема победа на стартот од ЕП.