Милан тргнува по Ван де Бек

Италијанскиот гигант Милан е силно заинтересиран за играчот за врска на Манчестер Јунајтед, Дони Ван де Бек.

Во Манчестер Јунајтед Ван Де Бек пристигна минатата година од Ајакс и се очекуваше да биде големо засилување за тимот на Солскјер. Сепак, Холанѓанецот не успеа да се наметне кај Норвежанецот и не добиваше голема минутажа.

Поради ваквата ситуација Ван Де Бек има намера да седне на преговори со раководството на Јунајтед и на тој состанок ќе побара да ја промени средината.

Таквата ситуација сака да ја искористи Милан, кој е во потрага по квалитетен играч за врска.

„Росонерите“ веќе стапиле во контакт со агентот и ќе се обидат да го донесат Холанѓанецот на позајмица со право на откуп.