Големо разочарување во репрезентацијата на Италија на еден ден пред Европското првенство 🎥

Репрезентацијата на Италија е во одлична форма пред почетокот на Европското првенство и сигурно дека „Аѕурите“ имаат големи очекувања.

Откако селекцијата на Италија ја презема Роберто Манчини оваа селекција игра фантастично и за пораз не знаат уште од 2018 година, имаат низа без пораз во последните 26 натпревари.

Италија утре го отвара Европското првенство, а на еден ден пред почетокот стигнаа лоши вести во таборот на Роберто Манчини. Имено, на вчерашниот тренинг се повреди Лоренцо Пелегрини и тој ќе го пропушти Европското првенство. Повредата тој ја заработил на последниот тренинг.

Денес Италијаните стигнаа во хотелот во Рим каде што ги пречека претседателот на ФИГЦ, Габриеле Гравина.

Тој се поздрави со сите играчи, а како знак на поддршка го прегрна несреќниот Пелегрини.