Манчестер Јунајтед ги забрза преговорите за Санчо

Манчестер Јунајтед ја започна новата офанзива по потписот на Џејдон Санчо од Борусија Дортмунд, пренесуваат медиумите на Островот.

Јунајтед минатата година за Санчо понуди 100 милиони евра со вклучени бонуси, но Борусија Дортмунд не сакаше да го пушти за помалку од 120 милиони евра.

Санчо има комплетен договор со „црвените ѓаволи“ и инсистира да се пресели на „Олд Трафорд“.

Преговорите помеѓу Манчестер Јунајтед и Борусија Дортмунд се во напредна фаза и медиумите се оптимисти дека трансферот наскоро би можел да се договори за сума 90 милиони евра.

Тоа е цели 30 милиони евра помалку од сумата која Борусија ја бараше минатата година.

За Санчо интерес покажуваа уште Челзи и Ливерпул, но англискиот репрезентативец преферира преселба на „Олд Трафорд“.

EXCLUSIVE: Man Utd poised to save £26.5million on Jadon Sancho transfer after one year delay | @MullockSMirror https://t.co/tQzSaHfpaI pic.twitter.com/UjDrryia8J

— Mirror Football (@MirrorFootball) June 5, 2021