Чалханоглу им кажа ДА на милионите од Катар

Хакан Чалханоглу нема да го продолжи договорот со Милан и кариерата ќе ја продолжи во Катар, пренесуваат италијанските медиуми.

Овој 27 годишнен играч за врска на кого договорот со Милан му истекува на крајот од сезоната добил понуда од екипата на Ал Духаил, а богатите Арапи му понудиле огромна сума.

Понудата која пристигнала до Чалхноглу изнесувала 32 милиони евра за три години, а играчот наводно ја прифатил.

Милан веќе почна да бара негова замена, а прва желба е ѕвездата на Удинезе, Родриго де Паул.

Во редовите на Милан Чалханоглу дојде од Баер Леверкузен во 2017 година за сума од 24 милиони евра и во изминатите четири години одигра 171 натпревар и постигна 32 гола.