Официјално: Интер ја „блиндираше“ младата ѕвезда

Италијанскиот шампион Интер потврди дека Алесандро Бастони се обврзал на верност до 2024 година.

22-годишниот Италијанец веќе втора сезона игра во Интер и оваа сезона беше еден од најдобрите поединци во тимот на Конте.

Станува збор за еден од најголемите таленти на Апенините за кого беа заинтересирани многу клубови, па Интер сакаше што побрзо да ја продолжи соработката.

Со новиот договор Бастони ќе заработува значително поголема плата. Односно 2,8 милиони евра по сезона кои со бонуси може да достигнат до 4 милиони евра.

#Inter, ufficiale il rinnovo di Alessandro #Bastonihttps://t.co/fCGekKBNFX

— Gianluca Di Marzio (@DiMarzio) May 28, 2021