Играчот на Астон Вила на сред интервју доби порака од холандскиот селектор дека не оди ЕП 🎥

Селекторот на холандската фудбалска репрезентација Франк Де Бур го објави списокот од 26 играчи на кои ќе смета за Европското првенство.

„Ова е списокот на 26 играчи на кои ќе сметам за Европското првенство. Што би било ако имав можност да повикам 27 играчи? Мислам дека Ел Гази ќе беше на списокот“, изјави Де Бур на прес-конференцијата кога го соопшти списокот.

26 годишниот Ел Гази имаше одлична сезона во Астон Вила, постигна десет гола во Премиер лигата и многумина очекуваа да се најде на списокот на холандскиот селектор. Интересно, Ел Гази дека не оди на ЕП дозна во текот на едно интервју.

„Во овој момент не можам да те поведам на Евро“, му напишал Де Бур на фудбалерот на Астон Вила.

„Тоа е порака која што туку ја добив. Остатокот ќе го задржам за себе“, откри разочараниот Ел Гази.

Ќе потсетиме, Холандија на ЕП ќе игра заедно во група со Македонија, Украина и Австрија. Ние со Холандија играме во третото коло од групната фаза.

Je zou hem op z’n minst kunnen bellen 🤦‍♂️ #ElGhazi #ekselectie #Pijnlijk pic.twitter.com/qKsshCIgGv

— Adam22 – 🙅🏻 (@Ziyech123) May 26, 2021