Агуеро се извини за очајниот пенал

Серхио Агуеро се посрамоти на вчерашното дерби против Челзи и беше еден од главните виновници за поразот.

Аргентинецот имаше можност на крајот на првиот дел да го реши мечот, но изведе очаен пенал со „паненка“, што Едуард Менди лесно го одбрани.

Агуеро поради неговиот потег мораше да им се извини на навивачите на Сити, а тоа го направи преку социјалните мрежи.

„Сакам да им се извинам на соиграчите, стручниот штаб и навивачите поради промашениот пенал. Тоа беше лоша одлука и ја преземам одговорноста“, истакна Агуеро.

I would like to apologise to my teammates, staff and supporters for missing the penalty. It was a bad decision and I take full responsibility.

— Sergio Kun Aguero (@aguerosergiokun) May 8, 2021