УЕФА го потврди новиот формат во Лигата на шампиони

Додека трае војната со основачите на новата Суперлига, УЕФА денес ги потврди промените во најелитното европско натпреварување, Лигата на шампиони.

Новиот формат во Лигата на шампиони ќе започне од сезоната 2024 и ќе истане на сила најмалку во следните десет години.

Ова се дел од клучните промени:

-Бројот на учесници се зголемува од 32 на 36

-Сите клубови ќе бидат во една група

-Секој тим ќе игра по 10 меча, односно секој учесник ќе игра против 10 противници одредени со ждреб.

-Првите осум клуба од групната фаза директно продолжуваат во осминафиналето.

-Следните 16 тима ќе играат бараж за останатите 8 места во осминафиналето.

-Ќе има сигурни места за елитни клубови кои не успеале да обезбедат пласман преку првенството.

Со овој формат УЕФА се обидува да направи Лигата на шампиони да биде слична на концептот на Суперлигата и така да ги убеди европските гиганти да се откажат од формирање на Суперлигата.