Рамос откри која е неговата најголема грешка во кариерата

Серхио Рамос во 2005 година пристигна во Реал Мадрид како големо засилување од Севиља. Тогаш „кралскиот тим“ го плати речиси 30 милиони евра и тоа беше фантастичен потег.

Меѓутоа, веќе некое време се зборува дека Рамос на лето ќе го напушти клубот затоа што му завршува соработката, а Реал наводно не сака да му ги исполни барањата.

Рамос ја напушти Севиља на 19 години, а неговата одлука да замине во Реал Мадрид не им се допадна на навивачите. Сепак, дефанзивецот е свесен дека тоа била најдобра одлука во кариерата.

„Знам што претставува Севиља. Никој не мора да ми кажува затоа што бев таму и почуствував. Никогаш нема да им простам за болката која ја направија врз мене, мојот дедо и баба и родителите. Затоа бесно реагирав и го славев голот на стадионот на Севиља. Најголема грешка во животот е што не се огласив јавно да кажам што се случува. Други зборуваа за мене и тоа беше најголема грешка“, изјави Рамос.