Тренерот на Леванте: Тешка недела е зад Барди, но сега се е решено

Македонскиот репрезентативец Енис Барди имаше проблеми после големата победа над Германија.

По враќањето во Шпанија полицијата при една рутинска контрола се посомневала дека Барди поседува фалсификат возачка дозвола. Веднаш македонскиот фудбалер преку официјално соопштение ги демантираше таквите информации и најави дека се ќе биде брзо решено.

Сега како што потврди и тренерот на Леванте, Пако Лопез тој проблем е зад Барди.

„Енис имаше проблеми во изминатата недела, но сега се е решено. Имаше тешки моменти, но тој е одговорно момче за се, па иако се соочуваше со таков проблем на тренинзите цело време беше сто отсто посветен. Воодушевен сум од тоа како го надмина овој период“, изјави Барди.