Барселона се откажа од Алаба

Барселона веќе не е помеѓу кандидатите за потписот на Давид Алаба, пренесува каталонски „Спорт“.

Каталонците сметаат дека платата која ја бара австрискиот репрезентативец е премногу висока.  Во „Камп Ноу“ се спремни да го подноват преговорите само во случај Алаба да ги намали финансиските претензии.

Како што е познато, 28-годишниот играч на лето ќе биде слободен агент бидејќи му завршува договорот со Баерн Минхен.

Неговата желба е да ја продолжи кариерата во Шпанија, а Реал Мадрид важи за фаворит за неговиот потпис.