За Пјаниќ повеќе нема место во Барселона

Каталонските медиуми денес потврдија дека новиот претседател Жоан Лапорта веќе го договорил првото засилување за следната сезона.

Имено, Жоржињо Вајналдум веќе потпишал преддоговор со Барселона и на лето ќе пристигне на „Камп Ноу“ како слободен агент.

Тоа значи дека за Миралем Пјаниќ повеќе нема место во тимот и дека на лето ќе мора да си бара нов клуб.

Босанскиот плејмејкер е во втор план на кај тренерот Куман и често ја грее клупата за резерви, а со доаѓањето на Вајналдум неговата минутажа додатно ќе се намали.

Барселона има потреба од финансии, па го стави 30-годишниот плејмејкер на продажба. Најсилен интерес за Пјаниќ покажуваат неколку италијански клубови, а и самиот фудбалер сака да се врати во Серија А.