Мамиќ си поднел оставка од сите функции во Динамо: Не сум повеќе ниту советник

Здравко Мамиќ откако вчера беше потврдена пресудата против него, неговиот брат Зоран и уште неколкумина потврди дека си заминува од Динамо во целост.

На денешната прес-конференција тој порача дека си поднел оставка од сите фунцкии од Динамо. Ќе потсетиме, Мамиќ во Динамо од 1992 до 1994 беше како директор, а во 2000 година стана член на извршниот се до 2003 кога стана претседател. Во 2018 година тој побегна во Босна и Херцеговина.

„Си поднесов оставка во Динамо. Побарав да бидам разрешен од сите функции, не сум повеќе ни советник на клубот. Моите оставки се неотповикливи и тоа е завршена приказна. За мене Динамо е повеќе од живот. Јас денес славам 50 години во Динамо, секогаш бев таму во некоја улога. Во 1986 го водев навивањето на Динамо кога на „Пољуд“ го победивме Хајдук со 4:0“, се потсети Мамиќ.