Челси не подига раце од Лукаку: Новата цена е идентична како и понудата на Јунајтед

Војната помеѓу Челси и Манчестер Јунајтед за Ромалу Лукаку продолжува.

Откако „Црвените ѓаволи“ му понудија на Евертон 75 милиони фунти за фантастичниот Белгиец, истото го направи и Челси.

Антонио Конте сака да го донесе како замена за Диего Коста, кој пак замина од тимот. Челси така влезе во битка со Јунајтед за 24-годишниот напаѓач, кој токму од лондонскиот тим премина во Евертон и тоа во 2014. година кога беше платен 35 милиони евра.

Тогаш тимот од „Гудисон Парк“ одлучи да го откупи од „Плавите“, што и се исплатеше, со оглед на тоа дека во изминатите четири сезони Лукаку блескаше во дресот на овој тим.

Во изминатите 4 години во Евертон тој постигна 71 погодок во 133 настапи и сега ќе може да одбере во кој клуб ќе сака да замине.