Чалханоглу донел одлука и веќе го избрал новиот клуб?

Во шпанските медиуми се појави информација дека Хакан Чалханоглу сигурно нема да го продолжи договорот со Милан и на крајот од сезоната ќе си замине како слободен играч.

Според информациите објавени во јавноста нов клуб на Чалханоглу ќе биде Манчестер Јунајтед. Наводно, турскиот репрезентативец веќе потпишал преддоговор со Јунајтед и се чека само таа соработка да биде официјализирана.

Во Милан Чалханоглу дојде во летото 2017 година од Баер Леверкузен за сума од 23.3 милиони евра.

Од тогаш за „росонерите“ одигра 159 натпревари, постигна 29 голови и запиша 47 асистенции.