На кого ќе може да смета Ливерпул за градското дерби со Евертон?

Тимот на Ливерпул победи против Лајпциг во Лигата на шампионите, но тој натпревар е веќе зад нив и сега ги очекува дуел со градскиот ривал Евертон во Премиер лигата.

Натпреварот помеѓу овие два тима се игра во сабота од 18:30 часот, а Клоп соопшти лоши вести околу составот кој ќе го има на располагање. Клоп најави дека Наби Кеита би можел да влезе во комбинација затоа што почнал да тренира. Меѓутоа дефинитивно надвор од тимот остануваат Фабињо и Џејмс Милнер.

„Со Наби работите одат на подобро, тренираше па ќе видиме дали ќе може да игра. Фабињо не тренираше, нема ништо ново со него и со останатите. Фабињо, Милнер, Жота сите се блиску, но нема да можат да настапат овој викенд“.

Се шпекулираше дека Алисон е повреден, но Клоп ги демантираше таквите најави.

„Не, Алисон е во ред“, кратко одговори Клоп.