Лоши вести за Милан, остана без еден од најважните фудбалери

Милан во недела го игра градското дерби со Интер, а остана без еден од најважните фудбалери.

Имено, на синоќешниот дуел со Црвена Звезда се повреди плејмејкерот Исмаел Бенасер и беше заменет со Сандро Тонали.

На денешните лекарски прегледи се покажа дека Алжирецот има мускулна повреда и ќе биде надвор од терените неколку недели.

Тоа значи дека сигурно ќе ги пропушти двете дерби средби, против Интер и Рома во Серија А.

Бенасер пропушти 11 меча во декември и јануари, а сега ја обнови повредата.