Maкедонија до 19 години убедливо поразена во Анталија од врсниците од Бугарија

Репрезентацијата на Македонија до 19 години денес претрпе убедлив пораз во натпреварот со врсниците од Бугарија.

Нашите надежи доживеаа пораз од 0:4 во пријателскиот натпревар во Анталија. Клучните беа 14 минути во вториот дел кога нашите репрезентативци примија три гола. Победата за Бугарија ја донесоа Георги Трифонов и Мартин Сораков со по два гола.

Во 34. минута Трифонов го отвори резултатот и се до 60. минута беше актуелен тој резултат, а тогаш надежите на нашиот сосед ни дадоа три гола за 14 минути за конечни 0:4.

Бугарија дури и пропушти уште неколку прилики за поубедлива победа.