Позната главната трансфер цел на Јувентус

Италијанските медиуми пренесуваат дека главна трансфер цел на Јувентус на лето ќе биде ѕвездата на Лион.

Станува збор за 22-годишниот Хусем Оуар, талентиран играч за врска со огромен потенцијал, кој го привлече вниманието на многу европски гиганти.

Оуар е поливалентен офанзивен фудбалер кој може да игра на повеќе позиции, а особено е ценет поради своите технички способности.

Многу европски гиганти беа силно заинтересирани за Французинот и минатото лето,но не сакаа да ја платат сумата од 60 милиони евра која ја бараше Лион.

Јувентус будно ја следи ситуацијата и на лето сака да го донесе во Торино.