Пикси ќе биде нов селектор на Србија

Легендата на српскиот фудбал, Драган Стојковиќ – Пикси ќе биде нов селектор на срската репрезентација, пренесуваат тамошните медиуми.

Фудбалскиот сојуз на Србија наводно постигнал договор со Пикси, кој деновиве треба да стави потпис на договор според кој ќе заработува 1 милион евра годишно.

Србија е без селектор од декември минатата година, кога се разделија со Љубиша Тумбаковиќ, кој не успеа да избори пласман на Европското првенство.

Драган Стојковиќ Пикси како фудбалер играше за Црвена Звезда, Олимпик Марсеј, Верона и Нагоја. Како тренер ги предводеше екипите на Нагоја и Гванжу.