Челзи го отпушти Лампард!

Френк Лампард доби отказ во Челзи после 18 месеци поминати во клубот.

Денес раководството на Челзи имало состанок и епилогот е – отказ на Лампард. Натпреварот против Лутон во ФА Купот кој Челзи го доби со 3:1 ќе се покаже како последен на клупата на „сините“ за Лампард.

Челзи доживеа пет порази на последните осум натпревари во Премиер лигата, а капката која ја прелила чашата бил поразот од Лестер во вторникот.

Официјална потврда нема, но таа се очекува да пристигне во текот на денот. Нема сомневање дека ќе ја има затоа што објавија сите најпознати медиуми во Англија. Прв фаворит за наследник на Лампард е Томас Тухел.