Можен скандал на СП: Словенците биле затруени пред дуелот со Египет?!

Со ремито против домаќинот Египет (25:25) Словенија остана без настап во четвртфиналето на Светското првенство.

На Словенците им беше потребна победа со Египет. Одлично го отворија натпреварот имаа предност и од пет гола, но домаќините успеаа да се вратат и на крај да освојат бод кој им донесе пласман помеѓу најдобрите осум селекции во светот.

Разбирливо во словенечкиот табор беа разочарани, освен тоа тие имаа приговор за судењето, а им било и сомнително тоа што се случувало на денот на натпреварот и ден пред тоа.

„Би кажал многу работи, но знам дека не можам, па ќе премолчам. Дадовме се од себе, не уништија нашите, но и туѓите глупости. Пола екипа ни беше во ВЦ на денот на натпреварот и ден пред тоа. Тројца не можеа да играат и цело време некој повраќаше“, истакна капитенот на Словенците Јуре Доленец.

Сличен коментар имаше и селекторот Љубомир Врањеш.

„Во ваква ситуација одигравме да се одигра ваков натпревар е навистина тешко. Имавме осум играчи со здравствени проблеми. Изгубивме еден натпревар на турнирот, но сепак на крајот испаѓаме“, изјави Врањеш.