Поповски: Со Русија бевме мотивирани, но како да сме влезени во некој барабан

Репрезентацијата на Македонија вчера беше поразена од Русија со убедливи 32:20 во вторниот натпревар од втората фаза на Светското првенство.

Пред ракометарите сега е уште дуелот со Белорусија. Пред овој натпревар за новинарите зборуваше десното крило Мартин Поповски.

„Подготовувавме тактика и во хотелот и на тренинг, но и покрај тоа лошо го отворивме натпреварот. Бевме мотивирани, но како да сме влезени во некој барабан и да не можеме да излеземе. Како и да е натпреварите секако ни значат многу, собираме искуство и се надеваме дека во последниот натпревар натпревар ќе го поправиме впечатокот“, изјави Поповски.

Дуелот помеѓу Македонија и Белорусија се игра утре од 15 часот.