Салах ги откри плановите за иднина

Ѕвездата на Ливерпул, Мохамед Салах изјави дека е спемен да остане во клубот уште долго време.

Салах има договор со „црвените“ до 2023 година, но во последно време се појавија информации дека може да го напушти „Енфилд“.

„Не знам што ќе се случи во иднина. Ако ме прашате дали сакам да останам – Да, сакам! Би сакал да останам тука што е можно подолго, но тоа зависи од клубот“, изјави Египќанецот.

„Додека сум во Ливерпул секогаш ќе давам 100% од себе до последната минута. Така сакам да им се оддолжам на луѓето, кој цело време со љубов се однесуваат кон мене. Сакам да освојам што е можно повеќе трофеи додека сум тука“, додаде Салах.