Видал објасни: Не го бакнував грбот на Јувентус

Играчот на Интер, Артуро Видал синоќа беше во центарот на вниманието за време на дербито со Јувентус.

Видал четири години помина во дресот на „старата дама“ и синоќа кога се поздравуваше со Киелини го бакна грбот на клубот од Торино.

Бакнувањето на грбот на Јувентус ги налути фановите на Интер, но Чилеанецот после мечот ја објасни ситуацијата.

„Мојата интенција не беше да бакнам грб на друг клуб. Бакнежнот беше знак на љубов кон мојот брат кој ми го даде фудбалот, човек со кого доживеав незаборавни години заедно и навистина се сакаме. Го почитувам мојот клуб, фановите и тие кои веруваа во мене да дојдам во овој прекрасен клуб“, истакна Видал.