Модриќ за новиот договор: Преговорите течат добро

Ѕвездата на Реал Мадрид, Лука Модриќ откри детали околу преговорите за нов договор со „кралскиот“ клуб.

Најдобриот фудбалер во светот за 2018 година е оптимист дека двете страни наскоро ќе постигнат конечен договор.

„Преговорите се во тек, се тече во правилна насока. Но, тоа ништо не менува кај мене. Јас работам добро на тренинзите и сум максимално сконцентриран. Годините не се проблем, се чуствувам одлично на оваа возраст“, изјави 35-годишниот Модриќ.

Оваа сезона Хрватот запиша 23 настапи за Реал на кои постигна 4 гола и запиша една асистенција.