Aгентот на Ериксен ќе го тужи Интер

Кристијан Ериксен во јануарскиот преоден рок веројатно ќе замине од Интер, а миланскиот клуб се уште должи пари за неговото доаѓање пред една година.

Данскиот фудбалер пристигна минатото лето од Тотенхем за 20 милиони евра. Неговиот агент Мартинус Шотс тврди дека Интер му должи за пари за посредување на трансферот и бара исплата.

Италијанските медиумо пишуваат дека Интер го овластил Шотс за преговори со Тотенхем и му ветил седум милиони евра ако ја заврши работата. Тој тврди дека до сега клубот му исплатил само милион евра и дополнителната сума ќе ја бара на суд.

Ериксен во претходната година не се снајде во Интер и ќе биде изненадување ако и после јануари остане во клубот.