Aлиоски пред Тотенхем: Во Лондон одиме да играме фудбал и да победиме!

Лидс и Алиоски на одличен начин ја завршија 2020 година.

Во одличен натпревар Лидс славеше против ВБА со убедливи 5:0. Денес македонскиот репрезентативец со својот тим ќе има нов предизвик – Тотенхем и Жозе Мурињо.

„Тотенхем секако е силен тим и се фаворити. Тие имаат подобри индивидуалци, но ако ние играме квалитетно и тимски како претходно можеме да им направиме проблеми. Во Лондон одиме да играме фудбал и да победиме“, изјави Џани пред овој натпревар.

Тимот на Мурињо во овој натпревар не влегува баш во најдобра форма затоа што Тотенхем има само една победа на последните пет натпревари во Премиер лигата. Лидс од друга страна на последните два натпревари успеа да врзе две победи.