Пујол: Ги разбирам навивачите на Реал, тешко им е да признаат дека Меси е најдобар

Легендарниот фудбалер на Барселона, Карлес Пујол смета дека Меси е најдобриот фудбалер кој зачекорил на зелениот терен.

Во разговор за шпанските медиуми Пујол истакна дека едноставно бројките покажуваат дека Меси е најдобар.

„Ги разбирам на навивачите на Реал, тешко им е да признаат дека Меси е најдобар. Неговите голови и се што направи е доволен доказ. Бројките никој не ги измислил“, истакна Пујол.

Зборуваше Пујол и за актуелната ситуација во клубот.

„Горд сум кога ќе се сетам што направивме. Убеден сум дека Барселона предводена од Меси ќе продолжи да победува и освојува трофеи. Тој во Барселона ги сруши сите рекорди и не знам дали повторно ќе се појави таков играч. Границата превисоко ја подигна. Ако ме прашувате кој е Мајкл Џордан ќе ви кажам дека е најдобриот кошаркар во историјата, Меси го има тој статус во фудбалот – најдобар на сите времиња“, изјави поранешниот стопер на Барселона.